ქალი მეწარმეები ლატვიის LDDK ვიცე-პრეზიდენტს, აივა ვიკსნას შეხვდნენ

„ფაბრიკაში" საქართველოს ფერმერთა ასოციაციისა და გაერო-ს ქალთა ორგანიზაციის მხარდაჭერით, დასავლეთ საქართველოში მოღვაწე მეწარმე ქალები ლატვიის LDDK ვიცე-პრეზიდენტს, აივა ვიკსნას შეხვდნენ. ამის შესახებ „ინტერპრესნიუსს“ ფერმერთა ასოციაციიდან აცნობეს.

მათივე ცნობით, დასავლეთ საქართველოში მცხოვრებმა ქალმა მეწარმეებმა ლატვიის LDDK ვიცე-პრეზიდენტს, აივა ვიკსნას საკუთარი პროდუქტები გააცნეს, მასთან ერთად საექსპორტო პოტენციალზე იმსჯელეს და სამომავლო თანამშრომლობის გეგმებიც განიხილეს.

„ქალ მეწარმეთა მთავარი გამოწვევა განათლება და ფინანსებზე ხელმისაწვდომობაა, მსგავსი პროექტები კი მათ კვალიფიკაციის ამაღლებასა და დიდი კომპანიებთან კონტაქტების დამყარებაში ეხმარებათ. პროექტის მონაწილე მეწარმე ქალებმა ბიზნესის განსავითარებლად ცოდნისა და კვალიფიკაციის ასამაღლებლად შესაბამისი ტრეინინგები უკვე გაიარეს.

ქალი მეწარმეები გაეროს ქალთა ორგანიზაციის პროექტის "ერთობლივი ძალისხმევა ქალთა ეკონომიკური გაძლიერებისთვის საქართველოში" მონაწილეები არიან, რომელიც ნორვეგიის მთავრობის დაფინანსებითა და საქართველოს ფერმერთა ასოციაციასთან თანამშრომლობით ხორციელდება. აღნიშნული პროექტი საქართველოში ქალთა ეკონომიკური გაძლიერების მხარდაჭერას 2020 წლამდე გააგრძელებს“, - აღნიშნულია ინფორმაციაში.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული