საქართველოს წითელი ჯვრის მოხალისეებმა ახალ კორონავირუსთან (COVID19) დაკავშირებით საინფორმაციო მასალები გაავრცელეს. ამის შესახებ „ინტერპრესნიუსს“ საქართველოს წითელი ჯვრის საზოგადოებიდან აცნობეს.

მათივე ცნობით, საინფორმაციო ბროშურაში გაწერილია ვირუსზე ზოგადი ინფორმაცია, პრევენცია, პირადი უსაფრთხოების წესები და სოციალური სტიგმის თავიდან აცილების გზები.

„მიუხედავად იმისა, რომ მედიის და სოციალური ქსელების საშუალებებით მუდმივად ხდება საზოგადოების ინფორმირება, აღნიშნულმა კამპანიამ გვანახა, რომ მოსახლეობაში მაინც არსებობს დიდი ინტერესი ამ თემასთან დაკავშირებით.

საქართველოს წითელი ჯვრის საზოგადოება თავისი მანდატიდან და თემზე დაფუძნებული აქტივობებიდან გამომდინარე აქტიურად თანამშრომლობს ამ სფეროში მომუშავე სამთავრობო და არასამთავრობო ორგნიზაციებთან და ასევე მედიის წარმომადგენლებთან“, -აღნიშნულია გავრცელებულ ინფორმაციაში.