ქუთაისში არსებულ აფხაზეთის #5 საჯარო სკოლის სკოლის დირექტორი და დარაჯი გამოკითხვაზე იმყოფებოდნენ. საქმე ეხება სავარაუდოდ, სკოლის სარდაფში აღმოჩენილ ნივთებს. სკოლის სარდაფში სავარაუდოდ, მარიხუანას მოხმარების ამსახველი ფოტოების გავრცელების შემდეგ სამართალდამცველებმა საქმის შესწავლა 273-ე პრიმა მუხლის მეორე ნაწილით დაიწყეს.

სკოლის დირექტორის ნატო ბენდელიანის თქმით, მან სამართალდამცველებს მის ხელთ არსებული ინფორმაცია მიაწოდა. ქუთაისში აფხაზეთის მეხუთე საჯარო სკოლის დირექტორი გამორიცხავს, რომ სარდაფში მარიხუანას მისი მოსწავლეები მოიხმარდნენ. დირექტორი ირწმუნება, რომ სარდაფი ეტაპობრივად იწმინდება, თუმცა სკოლის მიმდებარე ტერიტორია ბოლომდე დაცული არ არის და შესაძლოა, იქ გარეშე პირები შესულიყვნენ. ნატო ბენდელიანისთვის უცნობია, რა მოხდა სკოლის სარდაფში და გამოძიების დასრულებას ელოდება.

სკოლაში 129 მოსწავლე სწავლობს.