გია ვოლსკი - ვერ ვხედავ, რომ გიორგი მარგველაშვილს საფრთხე ემუქრებოდეს, გარკვეული პერიოდი გავა და ირაკლი კობახიძესთან დაკავშირებით ისეთივე გადაწყვეტილება იქნება მიღებული

ვერ ვხედავ, რომ გიორგი მარგველაშვილს საფრთხე ემუქრებოდეს, გარკვეული პერიოდი გავა და ირაკლი კობახიძესთან დაკავშირებით ისეთივე გადაწყვეტილება იქნება მიღებული,- ამის შესახებ პარლამენტის პირველმა ვიცე- სპიკერმა გია ვოლსკიმ ჟურნალისტებთან ყოფილი პრეზიდენტის, გიორგი მარგველაშვილისთვის დაცვის მოხსნის საკითხთან დაკავშირებით განაცხადა.

ვოლსკის თქმით, თუკი, მარგველაშვილი დაასაბუთებს, რომ დაცვა სჭირდება, მას ეს მომსახურება აღუდგება.

"არ არის დაცვა მგონი ის თემა, რაზეც გიორგი მარგველაშვილმა უნდა ისაუბროს. მას გარკვეული პერიოდი ჰყავდა დაცვა და როგორც კი გააცხადებს და დაასაბუთებს, რომ დაცვა კვლავ სჭირდება, კანონი ითვალისწინებს, რომ მას დაცვა აღუდგება და არა მარტო გიორგი მარგველაშვილს, ნებისმიერ ადამიანს ვისაც მიაჩნია, რომ მას რაიმე საფრთხე ემუქრება. ვერ ვხედავ, რომ გიორგის საფრთხე ემუქრებოდეს, გარკვეული პერიოდი გავა და ირაკლი კობახიძესთან დაკავშირებით ისეთივე გადაწყვეტილება იქნება მიღებული თუკი, რასაკვირველია კანონის შესაბამისად არ იქნება დასტური იმაზე, რომ რაიმე საფრთხე მართალაც არსებობს " , - განაცხადა გია ვოლსკიმ.

შეგახსენებთ, საქართველოს ყოფილ პრეზიდენტს, გიორგი მარგველაშვილს პირადი დაცვა მოეხსნა. ამის შესახებ გიორგი მარგველაშვილმა „ტვიტერის“ საკუთარ გვერდზე დაწერა.

„გუშინ მთელი გულით მადლობა გადავუხადე არაჩვეულებრივი სამსახურისთვის და დავემშვიდობე ჩემი პირადი დაცვის წევრებს.

ეს დამარცხებული „ქართული ოცნების“ კიდევ ერთი პოლიტიკურად მოტივირებული გადაწყვეტილებაა, რომ ძირი გამოუთხაროს პრეზიდენტის ინსტიტუტს“,- წერს მარგველაშვილი.

შეგახსენებთ, კანონმდებლობის თანახმად, უფლებამოსილების ვადის გასვლიდან 1 წლის შემდეგ მაღალი თანამდებობის პირები, მათ შორის ყოფილი პრეზიდენტი „სახელმწიფო დაცვის სპეციალური სამსახურის“ დასაცავ პირთა სიაში აღარ ირიცხება და შესაბამისად, მას დაცვა ეხსნება.

ამასთან, კანონმდებლობაში არსებული ჩანაწერით, დასაცავ პირებს შესაძლოა, არ მოეხსნათ დაცვა იმ შემთხვევაში, თუ მის სიცოცხლესა და ჯანმრთელობას საფრთხე ემუქრება.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება