დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელის ამირან გამყრელიძის განცხადებით, თვითიზოლაციაში მყოფი ადამიანები საზოგადოებრივი ჯანდაცვის მუნიციპალური სამსახურებისა და საპატრულო პოლიციის მიერ კონტროლდებიან.

როგორც მან ჟურნალისტებთან საუბრისას აღნიშნა, თვითიზოლაციაში მყოფი ადამიანებისთვის ყველაზე მნიშვნელოვანია სამოქალაქო პასუხისმგებლობის ამაღლება.

„თვითიზოლაციაში ვინც არიან მათზე მონიტორინგს აწარმოებს საზოგადოებრივი ჯანდაცვის მუნიციპალური სამსახურები და პატრული. თვითიზოლაციაში მყოფი ადამიანებისთვის ყველაზე მნიშვნელოვანია სამოქალაქო პასუხისმგებლობის ამაღლება. რაც შეეხება კონტროლს, იქ ხდება დარეკვა, მონიტორინგი და ასევე მისვლაც“, - განაცხადა გამყრელიძემ.