ჯარისკაცებმა დაღუპული სამხედროების დედებს 3 მარტი მიულოცეს
დაღუპული სამხედროების დედებს 3 მარტი ჯარისკაცებმა მიულოცეს. ამის შესახებ ინფორმაციას საქართველოს თავდაცვის სამინისტრო ავრცელებს.
უწყების ინფორმაციით, თავდაცვის მინისტრის ინიციატივით აგვისტოს ომსა და საერთაშორისო მისიებში დაღუპული სამხედროების დედებს 3 მარტი ჯარისკაცებმა მიულოცეს.
„სამხედროები მთელი საქართველოს მასშტაბით დილიდან სამშობლოსათვის დაღუპული მეგობრების ოჯახებს სტუმრობდნენ. მათ დაღუპული სამხედროების დედებს ირაკლი ღარიბაშვილის მიერ გაგზავნილი თაიგულები და მადლობის წერილები გადასცეს“,-ნათქვამია უწყების მიერ გავრცელებულ ინფორმაციაში.
