„საქსტატის“ აღმასრულებელი დირექტორი გოგიტა თოდრაძე გაერო-ს სტატისტიკის კომისიის 51-ე სესიაში მონაწილეობს

„საქსტატის“ აღმასრულებელი დირექტორი გოგიტა თოდრაძე გაერო-ს სტატისტიკის კომისიის 51-ე სესიაში მონაწილეობს. როგორც „ინტერპრესნიუსს“ საქსტატიდან აცნობეს, აღნიშნულ ღონისძიებაში საქართველო, ახლადარჩეული წევრის სტატუსით პირველად მონაწილეობს.„გაერო-ს სტატისტიკის კომისიის (UNSC) შეხვედრა ნიუ-იორკში ყოველწლიურად იმართება და მასში მონაწილეობენ გაერო-ს წევრი ქვეყნების სტატისტიკის სამსახურის ხელმძღვანელი პირები და საერთაშორისო ორგანიზაციების წარმომადგენლები.

ის წარმოადგენს უმაღლესი დონის სამთავრობათაშორისო ფორმატს და საერთაშორისო დონეზე, სტატისტიკური საქმიანობების შესახებ გადაწყვეტილებების მიმღებ უმაღლეს ორგანოს, რომელიც ზედამხედველობას უწევს გაეროს სტატისტიკის სამმართველოს (UNSD).საქართველო აღნიშნული კომისიის წევრად, გასული წლის მაისში აირჩიეს. წევრობის მანდატი მოიცავს 2020-2023 წლების პერიოდს, რომელიც ოფიციალურად ძალაში შევიდა მიმდინარე წლის იანვრიდან. აღნიშნულ ღონისძიებაში საქართველო, ახლადარჩეული წევრის სტატუსით პირველად მონაწილეობს.

51-ე სესიის ფარგლებში, გოგიტა თოდრაძე მონაწილეობას მიიღებს სხვადასხვა პანელურ დისკუსიაში, მოხსენებით მიმართავს კომისიის წევრებს, უცხოელ კოლეგებს გააცნობს ქვეყნის სტატისტიკის სიტემაში უკანასკნელ პერიოდში განხორციელებულ ცვლილებებს, ასევე ისაუბრებს სამომავლო გეგმებზე და პრიორიტეტებზე.

სესიის პარალელურად საქსტატის აღმასრულებელ დირექტორს შეხვედრები ექნება სხვადასხვა საერთაშორისო ორგანიზაციისა და პარტნიორი ქვეყნების სტატისტიკის სამსახურების ხელმძღვანელებთან, სადაც განიხილება მიმდინარე და სამომავლო თანამშრომლობის საკითხები. გაერო-ს სტატისტიკის კომისიის წევრობა ქვეყნისთვის წარმოადგენს უდიდეს შესაძლებლობას, საერთაშორისო დონეზე შესადარისი სტატისტიკური მეთოდოლოგიების შემუშავების, დანერგვის და ოფიციალური სტატისტიკის ხარისხის გაუმჯობესებისა და განვითარების თვალსაზრისით“,-აღნიშნულია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით