ყვარლის მუნიციპალიტეტის სოფელ ზინობიანის მოსახლეობა აქციას მართავს

ყვარლის მუნიციპალიტეტის სოფელ ზინობიანის მოსახლეობა აქციას მართავს

ყვარლის მუნიციპალიტეტის სოფელ ზინობიანის მოსახლეობა აქციას მართავს. ისინი საძოვრების კერძო პირზე გასხვისებას აპროტესტებენ.

ადგილობრივი აცხადებენ, რომ მათი ძირითადი შემოსავალი მესაქონლეობაა, სოფელს სხვა ალტერნატიული ტერიტორია არ გააჩნია და საძოვრების გარეშე საქონელს ვერ გამოკვებავენ.

მათი თქმით, საიჯარო ხელშეკრულებით, 2000 წლიდან აღნიშნულ ტერიტორიას საძოვრად იყენებედნენ, მუნიციპალიტეტმა კი მალულად გაასხვისა.

მოსახლეობა საპროტესტო აქციების გაგრძელებას აპირებს.

მოსახლეობას მუნიციპალიტეტის მერი შეხვდა. როსტომ სესიაშვილის განმარტებით, გასხვისება აუქციონის სახით, კანონის ფარგლებში მოხდა. მისივე თქმით, საკითხს შეისწავლის და პრობლემის მოგვარებას შეეცდება.

წესრიგის დაცვის მიზნით, ადგილზე პოლიციაა მობილიზებული.