ქუთაისის ინფექციური საავადმყოფოდან ლუგარის ლაბორატორიაში კორონავირუსთან დაკავშირებით დღეს 5 პაციენტის ანალიზები გაგზავნეს. კლინიკის მთავარი ექიმის, თემურ ნადირაძის თქმით, პაციენტების ჯანმრთელობის მდგომარეობა დამაკმაყოფილებელია და ყველას შესაბამისი მკურნალობა უტარდება.

მისივე თქმით, ამ დროისთვის მაღალი ტემპერატურა, 38 გრადუსი მხოლოდ ერთ პაციენტს აღენიშნება.

ქუთაისის ახალ ინფექციურ საავადმყოფოში მოთავსებული ყველა პაციენტი იტალიიდან არის ჩამოსული.