კობა ნარჩემაშვილი - ჩვენ არ ვართ პოლიტიკური სამშვენისი, რომ პარლამენტის სხდომათა დარბაზი დავამშვენოთ

ჩვენ არ ვართ პოლიტიკური სამშვენისი, რომ დავამშვენოთ პარლამენტის სხდომათა დარბაზი, - ამის შესახებ ფრაქცია „დამოუკიდებელი დეპუტატების“ წევრმა კობა ნარჩემაშვილმა ჟურნალისტებთან პარლამენტში, პრეზიდენტის მოხსენების დაწყებამდე განაცხადა.

მისი თქმით, ფრაქცია „დამოუკიდებელი დეპუტატები“ დღევანდელ პლენარულ სხდომას, სადაც პრეზიდენტი სიტყვით უნდა გამოვიდეს, ბოიკოტს უცხადებს.

„ფრაქციის მიერ მიღებულია გადაწყვეტილება, რომ ჩვენ პოლიტიკური ბოიკოტის რეჟიმში გადავალთ ამ საკითხთან მიმართებაში და არ დავესწრებით იმიტომ, რომ ძალიან გვიან იქნა ამის თაობაზე გაცხადებული. მაგრამ, ადრეც რომ გაცხადებულიყო, ამას პრინციპული მნიშვნელობა არ ჰქონდა იმიტომ, რომ უკიდურესად ფორმალიზებულია პრეზიდენტის ანგარიში. ის მოკლებულია პოლიტიკურ შინაარსს, რადგან არ მიმდინარეობს ინტერაქტივის რეჟიმში.

საზოგადოებაში და არა მარტო პოლიტიკოსებში დაგროვილია ძალიან ბევრი კითხვა, განსაკუთრებით სკანდალურ შეწყალებასთან, მოქალაქეობის მინიჭების საკითხებთან დაკავშირებით და ასეთ რეჟიმში, უბრალოდ, ჩვენ არ ვართ პოლიტიკური სამშვენისი, რომ დავამშვენოთ პარლამენტის სხდომათა დარბაზი და ასე ვთქვათ, შევქმნათ იმის შთაბეჭდილება, რომ თითქოს ყველაფერი ნორმალურადაა. თქვენ წარმოიდგინეთ, 10 - წუთიანი დროის გაყოფაზეც უარი მივიღეთ და უნდა გამოსულიყო მხოლოდ ერთი წარმომადგენელი ფრაქციიდან. ეს ჩვენთვის არის პრინციპულად მიუღებელი. მიგვაჩნია, რომ ასეთ შემთხვევაში ჩვენი გამოსვლა იქნებოდა ძალიან ფორმალური, შინაარსს მოკლებული და საზოგადოებისთვის არაფრის მთქმელი“, - განაცხადა კობა ნარჩემაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს