პოლიტიკურმა გაერთიანებამ “ლელო-საქართველოსთვის” ნაძალადევის რაიონული ოფისი გახსნა.
პარტიის ერთ-ერთმა დამფუძნებელმა ბადრი ჯაფარიძემ ოფისის ხელმძღვანელად ნუნუ შათირიშვილი წარადგინა.
ჯაფარიძის თქმით, ახალი ოფისი ნაძალადევის რაიონის მცხოვრებლების შეკრების ადგილი უნდა იყოს, სადაც მათი პრობლემები გადაწყდება.
“აქ იმიტომ ვართ, რომ მოვიტანოთ ახალი იმედი, ახალი პერსპექტივა, გავუჩინოთ მომავლის რწმენა იმისთვის, რომ არ ვისაუბროთ მხოლოდ პრობლემებზე და ვისაუბროთ პრობლემის გადაჭრის გზებზე. ჩვენ გვინდა ეს ოფისი გახდეს ნაძალადეველების შეკრების ადგილი. გავიგოთ ყველა ის წუხილი, რომელიც გააჩნიათ და ერთად გადავლახოთ ყველა ის პრობლემა, რომელიც ჩვენ წინაშეა”,- განაცხადა ჯაფარიძემ.