“პოლიტიკური დევნის საკითხთა შემსწავლელმა კომისიამ“ “ერთიანი ნაციონალური მოძრაობის” წევრი რომეო ფარულავა პოლიტიკურ დევნილად ცნო. ამის შესახებ ოპოზიციური პარტიების წარმომადგენლებმა ჟურნალისტებს კომისიის შეხვედრის შემდეგ განუცხადეს. როგორც თავად ფარულავა აცხადებს, ის პოლიტიკური ნიშნით იდევნება და მის წინააღმდეგ ორი სხვადასხვა საქმეა აღძრული.
“ძალიან აქტიურად ვარ ჩართული ყველა პოლიტიკურ პროცესში, ვაპროტესტებ იმ უკანონობას რაც ხდება 2012 წლის მერე. ორი საქმეა ჩემს წინააღმდეგ ძალოვან სტრუქტურებში აღძრული. ერთი კონკრეტულად - პროკურატურაში, მეორე სახელმწიფო უსაფრთხოების სამსახურში. 20 იანვარს ვმოძრაობდი უცხოელ სტუმრებთან ერთად, ჩამისაფრდნენ და მომიწყვეს სპეცოპერაცია. სრულიად გაუგებარი ბრალდება - ნარკოტიკული ნივთიერების შეძენა-შენახვა-დამზადება წამიყენეს. ხელში უჭირავთ მხოლოდ ნარკოლოგის დასკვნა. ვიზუალური დათვალიერებით დაადგინეს, რომ მე ვიმყოფებოდი ნარკოლოგიური თრობის ქვეშ. როდესაც მიმიყვანეს ნარკოლოგიურ საექსპერტო ბიუროში, დასკვნა წინასწარ დაწერილი დამხვდა. ეს არის პოლიტიკური დევნა ჩემზე და ჩემს ოჯახზე. ჩენი შვილი ნიკუშა ფარულავა არის მოძრაობა „შეცვალეს” აქტიური წევრი და ეს არ აწყობს დღევანდელ სახელმწფოს”,- განაცხადა რომეო ფარულავამ.