არალეგალი მიგრანტები, რომლებიც საბერძნეთ-თურქეთის საზღვართან იმყოფებიან და საბერძნეთში გადასვლას ცდილობენ, ბერძენ სამართალდამცველებს ცრემლსადენი გაზის შემცველ ხელყუმბარებს ესვრიან, რომელსაც თურქეთის არმია იყენებს. ამის შესახებ საბერძნეთის მთავრობის ოფიციალურმა წარმომადგენელმა სტელიოს პეტსასმა განაცხადა.

მისი თქმით, თურქეთი არალეგალ მიგრანტებს ეხმარება საბერძნეთის საზღვარს მიაღწიონ, რაც თურქეთის ხელისუფლების კოორდინირებული ოპერაციაა.

ცნობისთვის, თურქეთმა სირიის პროვინცია იდლიბში ვითარების გამწვევაბასთან დაკავშირებით განაცხადა, რომ მიგრანტთა და დევნილთა ნაკადებს ვეღარ აკავებს და მათთვის ევროკავშირთან თავისი საზღვარი გახსნა.