ახალი კორონავირუსის გავრცელების პრევენციის მიზნით გაცემული რეკომენდაციების გათვალისწინებით, შეფასებისა და გამოცდების ეროვნულმა ცენტრმა ეროვნული სასწავლო ოლიმპიადის დასკვნითი ტურის გადადების გადაწყვეტილება მიიღო. ამის შესახებ "ინტერპრესნიუსს" შეფასების და გამოცდების ეროვნული ცენტრიდან აცნობეს. მათი ინფორმაციით, ტესტირება გეოგრაფიაში, ქიმიაში, ბიოლოგიაში, მათემატიკაში, რუსულ, ინგლისურ და ფრანგულ ენებში დაახლოებით, 2 კვირის შემდეგ გაიმართება.
ცენტრის ცნობით, დეტალური განრიგი შეფასებისა და გამოცდების ეროვნული ცენტრის ვებგვერდზე უახლოეს მომავალში გამოქვეყნდება.