ქუთაისის ინფექციურ საავადმყოფოში ვირუსის სიმპტომებით ამ დროისთვის 4 პაციენტი იმყოფება, მათ შორის ერთი ბავშვია, რომელიც რამდენიმე დღის წინ საფრანგეთიდან დაბრუნდა.

ორი პაციენტი საავადმყოფოში წუხელ, ქუთაისის აეროპორტიდან მიიყვანეს. ისინი დედა-შვილი არიან და საქართველოში იტალიიდან დაბრუნდნენ. მეოთხე პაციენტი გერმანიაში იმყოფებოდა და ტემპერატურა დაუფიქსირდა.

ქუთაისის ინფექციური საავადმყოფოს მთავარი ექიმის თემურ ნადირაძის თქმით, აღნიშნულ პაციენტებს შესაბამისი მკურნალობა უტარდებათ, მათი ანალიზები გაგზავნილია ლუგარის ლაბორატორიაში.