განათლების მინისტრის მოადგილის განცხადებით, ამ ეტაპზე, 16 მარტის შემდეგ არდადეგების გახანგრძლივება არ იგეგმება

განათლების მინისტრის მოადგილის ეკა დგებუაძის განცხადებით, ამ ეტაპზე, 16 მარტის შემდეგ საგანმანათლებლო დაწესებულებებში არდადეგების გახანგრძლივება არ იგეგმება. ამასთან, როგორც მან ჟურნალისტებს განუცხადა, თუ ჯანდაცვის სამინისტროს მხრიდან შესაბამისი რეკომენდაცია იქნება, უწყება ამას გაითვალისწინებს. დგებუაძის განმარტებით, სკოლებში სადეზინფექციო სამუშაოები გრძელდება.

„განათლების სამინისტრო მუდმივ კოორდინაციაშია ჯანდაცვის სამინისტროსთან და დაავადებათა კონტროლის ეროვნულ ცენტრთან. როგორც თქვენთვის ცნობილია, რეკომენდაციის ფარგლებში 16 მარტამდე გახანგრძლივდა არდადეგები საჯარო და მათ შორის, კერძო სკოლებში.

დადგენილების საფუძველზე, უმაღლეს და პროფესიულ სასწავლებლებშიც ასევე შეწყვეტილია სასწავლო პროცესი და 16 მარტამდე არ განახლდება. ამ პერიოდის განმავლობაში მიმდინარეობს ყველა დაწესებულების დეზინფექცია. ასევე მინდა აღვნიშნო, რომ ვმუშაობთ დაავადებათა კონტროლის ეროვნულ ცენტრთან. გვაქვს გეგმა, როდესაც რეკომენდაციების საფუძველზე ის სტანდარტი უნდა დავიცვათ, რომელსაც ჯანდაცვის სამინისტრო გვთავაზობს. ვიწყებთ სკოლების დახმარებას, რომ მუდმივ რეჟიმში მოახდინონ სანიტარია, ჰიგიენა და მოაწესრიგონ სასწავლო სივრცე, ასევე საპირფარეშოები. ჯერ არ განვიხილავთ 16 მარტს სასწავლო პროცესის გადადებას. ამას სიტუაცია გვიჩვენებს. როგორც აღვნიშნე, ვთანამშრომლობთ ჯანდაცვის სამინისტროსთან. თუ საჭიროება იქნება და ადამიანების ჯანმრთელობა რისკის ქვეშ იქნება, ყველაფერს გავაკეთებთ იმისთვის, რომ საფრთხის ქვეშ არცერთი ჩვენი მოქალაქე არ აღმოჩნდეს“, - განაცხადა დგებუაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა