კახა კალაძე - გიგი უგულავასთან დაკავშირებით პოლიტპატიმრობაზე საუბარი უხერხულია იმ პატიმრებთან მიმართებაში, ვინც პატარა დანაშაულზე იხდის სასჯელს

გიგი უგულავასთან დაკავშირებით პოლიტპატიმრობაზე საუბარი ძალიან უხერხულია იმ პატიმრებთან მიმართებაში, ვინც პატარა დანაშაულზე იხდის სასჯელს, - ამის შესახებ თბილისის მერმა კახა კალაძემ ჟურნალისტებს განუცხადა, როდესაც გიგი უგულავას ფეისბუქპოსტს გამოეხმაურა.

კახა კალაძის თქმით, უგულავას ბრალეულობასთან დაკავშირებით შესაბამისი მტკიცებულებები არსებობს.

„ჩვენ არ გვყავს პოლიტპატიმარი. ჩვენ გვყავს კრიმინალები, ვინც არის დაკავებული კონკრეტულ საქმეზე. ადამიანი, როდესაც 59 მილიონს იპარავს უხერხულია პოლიტპატიმარი დაარქვა. უბრალოდ,უხერხულია. მე მგონია, რომ თქვენც, ჟურნალისტებს გეუხერხულებათ ამ კითხვის დასმა, იმიტომ, რომ ძალიან კარგად ვიცით, არსებობს ამის მტკიცებულებები. ვიდეო-კადრები არსებობს, როგორ გამოჰქონდათ თანხები. შესაბამისად, გიგი უგულავასთან მიმართებით პოლიტპატიმრობაზე საუბარი ძალიან უხერხულია, იმ პატიმრებთან მიმართებაში, ვინც პატარა დანაშაულზე იხდის სასჯელს",- განაცხადა კალაძემ.

შეგახსენებთ, რომ პატიმრობაში მყოფი თბილისის ყოფილი მერი, „ევროპული საქართველოს“ ერთ-ერთი ლიდერი გიგი უგულავა აცხადებს, რომ ის ივანიშვილთან „კატა-თაგვობანას“ თამაშს არ აპირებს.

„არ მსურს ჩემი გათავისუფლების საკითხი გახდეს ბარიერი მაქსიმალურად პროპორციული სისტემის მიღების პროცესში, რაც ქვეყანას, მის მშვიდობიან განვითარებას, ჰაერივით სჭირდება, - აცხადებს გიგი უგულავა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით