გორში კიდევ ერთი ქუჩის რეაბილიტაცია დაიწყო. როგორც „ინტერპრესნიუსს“ გორის მერიიდან აცნობეს, პროექტი, რომლის ღირებულებაც 54 855 ლარია, ადგილობრივი მოსახლეობის თხოვნით დაიგეგმა.

„ქართველ მსროლელთა დივიზიის ქუჩის სარეაბილიტაციო სამუშაოები მარტის ბოლომდე დასრულდება. 200 - მეტრიანი ქუჩა ერთმანეთს გოგებაშვილის ქუჩასა და სტალინის გამზირს აკავშირებს.

პროექტის მიხედვით, მოეწყობა ასფალტის საფარი და გზის ხელოვნური ნაგებობები“, - ნათქვამია ინფორმაციაში.