ბათუმში ინფექციურ საავადმყოფოში მყოფ 30 წლის მამაკაცს კორონავირუსი არ დაუდასტურდა,- ამის შესახებ აჭარის ჯანდაცვის მინისტრის მოადგილე ნინო ნიჟარაძემ ჟურნალისტებს განუცხადა.

მისი ინფორმაციით, მოქალაქე იტალიაში იმყოფებოდა და მას მაღალი ტემპერატურა აღენიშნებოდა გუშინ მიმართა კლინიკას.

ნინო ნიჟარაძის ინფორმაციით, დღეს პირველად აჭარაში საკარანტინო სივრცეში საქართველოს 30 მოქალაქე შეიყვანეს. კარანტინი გონიოში ერთ-ერთ სასტუმროში გაიხსნა.

"მოქალაქეები საქართველოში რისკ-ქვეყნებიდან ჩამოვიდნენ, მაგრამ ჯანმრთელები არიან. ორი კვირის განმავლობაში დარჩებიან ექიმების მეთვალყურეობის ქვეშ. სასტუმროში აბსოლუტურად ნორმალური პირობებია",- განაცხადა ნინო ნიჟარაძემ.