მაია ცქიტიშვილი - მოსახლეობის ნაწილის მხრიდან, რომელიც რუსთავი-ფონიჭალის საპროექტო გზის გასწვრივ ცხოვრობს, არაკეთილსინდისიერ ქცევას ჰქონდა ადგილი

მოსახლეობის ნაწილის მხრიდან, რომელიც ცხოვრობს რუსთავი-ფონიჭალის საპროექტო გზის გასწვრივ, ადგილი ჰქონდა არაკეთილსინდისიერ ქცევას, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა პარლამენტის პლენარულ სხდომაზე განაცხადა.

მინისტრის განცხადებით, რუსთავი-ფონიჭალის გზის მშენებლობისას, მოსახლეობის განსახლებაზე მოლაპარაკება სამინისტროსა და მცხოვრებლებს შორის ვერ შედგა, რადგან მოსახლეობის ნაწილმა თავიანთი საცხოვრებელი ფართის სანაცვლოდ საბაზრო ფასზე სამჯერ მაღალი საფასური მოითხოვა.

„მოსახლეობის ნაწილის მხრიდან, რომელიც ცხოვრობს რუსთავი-ფონიჭალის საპროექტო გზის გასწვრივ, ადგილი ჰქონდა არაკეთილსინდისიერ ქცევას. რუსთავი-ფონიჭალის ბევრ ობიექტზე, რომელიც არ ყვებოდა განსახლების ზონაში და რომელიც მდებარეობდა ხშირ შემთხვევაში ახალი გზიდან უფრო შორს, ადამიანების ნაწილის მხრიდან გამოთქმული იყო საბაზრო ფასზე სამჯერ უფრო მაღალი ფასის მიღების სურვილი ამა თუ იმ საცხოვრებელ ფართში. რა თქმა უნდა, ასეთი ფორმით შეთანხმება ვერ შედგა და სწორედ ამიტომ ამ ეტაპზე პროექტის შესრულება ვერ ხერხდება იმ კონკრეტულ ნაწილში, სადაც მოსახლეობა ცხოვრობს. ეს არის დაახლოებით 3 კილომეტრიანი ზოლი. პროექტის იმ ნაწილის ექსპლუატაციაში შესვლა, რომელიც განხორციელებულია, უკვე შესაძლებელია. ახალი მონაკვეთი თავის ფუნქციას ასრულებს, თუმცა ეს არ არის ის გეგმა, რომელიც ჩვენ გვქონდა ამ გზასთან მიმართებაში. ალბათ ორივე მხარემ - ჩვენც და მოსახლეობამაც - დამატებით კომპრომისული ნაბიჯები უნდა გადავდგათ იმისთვის, რომ შეთანხმებას მივაღწიოთ,“ - განაცხადა ცქიტიშვილმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება