რუსთავში ბაზრობებისა და საზოგადოებრივი თავშეყრის ადგილები დასუფთავდა და სადეზინფექციო სამუშაოები ჩატარდა

რუსთავში, COVID-19-ის გავრცელების პრევენციული ღონისძიებები გრძელდება. ქალაქის მასშტაბით, რამდენიმე ლოკაციაზე, ე.წ. ბაზრობების და საზოგადოებრივი თავშეყრის ადგილებში, დასუფთავებისა და სადეზინფექციო სამუშაოები ჩატარდა.

როგორც „ინტერპრესნიუსს“ რუსთავის მუნიციპალიტეტის მერიიდან აცნობეს, მესხიშვილის ქუჩაზე მდებარე სუპერმარკეტ „ფენიქსის“ და მე-12 მიკრორაიონში, ე.წ. სტამბოლის ბაზრის მიმდებარე ტერიტორია, „რუსთავსერვის ცენტრის“ თანამშრომლებმა დაასუფთავეს. პარალელურ რეჟიმში, ბაზრობებისა და საზოგადოებრივი თავშეყრის ადგილები, სპეციალური სადეზინფექციო ხსნარებით მუშავდებოდა.

მათივე ინფორმაციით, სამუშაოების მიმდინარეობას, რუსთავის მერი ირაკლი ტაბაღუა, მერის მოადგილეები - ბესიკ ტოგონიძე, გოჩა ლორია და რუსთავის საზოგადოებრივი ჯანმრთელობისა და უსაფრთხო გარემოს ცენტრის" ხელმძღვანელი დავით ბეგაშვილი ესწრებოდნენ.

კორონავირუსის პრევენციის მიზნით, საქართველოს ჯანდაცვის სამინისტროსა და დაავადებათა კონტროლის ეროვნული ცენტრის რეკომენდაციების შესაბამისად, რუსთავში სადეზინფექციო სამუშაოები უტარდება საგანმანათლებლო დაწესებულებებს, მუნიციპალიტეტის ადმინისტრაციულ შენობას, სხვა საჯარო სივრცეებს, შიდასაქალაქო და საქალაქთაშორისო მარშრუტებზე მოძრავ საზოგადოებრივ ტრანსპორტს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით