საფრანგეთში კორონავირუსით დაინფიცირებულთა რიცხვი იზრდება. ქვეყანაში, ამ დროისთვის, კიდევ 157 ახალი შემთხვევაა დაფიქსირებული, ორი ადამიანი კი გარდაიცვალა. ამის შესახებ გამოცემა „ფიგარო“ იუწყება.

ოფიციალური ინფორმაციით, იანვრიდან ეპიდემიის შედეგად, 577 ადამიანი დაინფიცირდა, გარდაცვლილია 9 ადამიანი.

დღეს, ასევე, ცნობილი გახდა, რომ ეროვნული ასამბლეის 4 წევრს კორონავირუსი დაუმტკიცდა. შესაბამისად, საფრანგეთში ექვსი დეპუტატია დაინფიცირებული.

საფრანგეთის აღმოსავლეთ ნაწილში, ბოლო 48 საათში, დაინფიცირებული ადამიანების რაოდენობა რვაჯერ გაიზარდა და 81 შეადგინა.