კოლუმბიამ ​კორონავირუსის პირველი შემთხვევა დაადასტურა. ამის შესახებ ინფორმაციას "როიტერსი ავრცელებს. რაც შეეხება ინფიცირებულს, ის 19 წლისაა და საავადმყოფოს იტალიაში მოგზაურობის შემდეგ, შესაბამისი სიმპტომებით მიმართა.

ჯანმრთელობის მსოფლიო ორგანიზაციის (WHO) მონაცემებით, დაავადება დაახლოებით 90 ქვეყანაშია დაფიქსირებული, რის შედეგადაც დაახლოებით 3,400 ადამიანი გარდაიცვალა. პარასკევის მდგომარეობით, გლობალურ დონეზე 100,300-ზე მეტი ადამიანი დაინფიცირდა.

ჯანდაცვის მსოფლიო ორგანიზაციის წარმომადგენელმა, მაიკ რაიანმა განაცხადა, რომ ჯერ არ იციან, რა აქტიურობას და ქცევას ავლენს ვირუსი სხვადასხვა კლიმატურ პირობებში. ჯანდაცვის მსოფლიო ორგანზიზაციაში ვარაუდობენ, რომ ვირუსმა ზაფხულში გააგრძელოს გავრცელება.

"ჯერ არ ვიცით, რა აქტიურობას და ქცევას ავლენს ვირუსი სხვადასხვა კლიმატურ პირობებში. ჩვენ უნდა ვივარაუდოთ, რომ ვირუსს ექნება გავრცელების შესაძლებლობა",-განაცხადა მსოფლიო ჯანდაცვის ორგანიზაციის წარმომადგენელმა.

მან ასევე დაამატა: ”ცრუ იმედია იმის თქმა, რომ დიახ, ის უბრალოდ გაქრება ზაფხულში, გრიპის ვირუსის მსგავსად ... ახლა არანაირი მტკიცებულება არ არსებობს, რომ ეს ასე მოხდება”.