თელავის მუნიციპალიტეტში სადეზინფექციო სამუშაოები მიმდინარეობს

პროფილაქტიკის მიზნით, თელავის მუნიციპალიტეტის მასშტაბით ინტენსიურ რეჟიმში მიმდინარეობს სადეზინფექციო სამუშაოები. აღნიშნულის შესახებ „ინტერპრესნიუსს“ თელავის მერიიდან აცნობეს. როგორც მათ ინფორმაციაშია აღნიშნული, დეზინფექცია ტარდება სპორტულ სკოლებში, მუსიკალურ სასწავლებლებში, მოსწავლე ახალგაზრდობის სახლში, ბიბლიოთეკებსა და სხვა თავშეყრის ადგილებში.
დაწესებულებები სპეციალური ხსნარით მუშავდება.

ცნობისათვის, მუნიციპალიტეტის მასშტაბით არსებულ ყველა საჯარო სკოლასა და საბავშვო ბაღში დეზინფექციის ჩატარების გამო საგაზაფხულო არდადეგები 2 მარტიდან 16 მარტამდე გახანგრძლივდა.

























