ლევან კობერიძე -  თუ თბილისში პირობითად 5 მაჟორიტარულ ოლქზეა საუბარი, რაზეც  „ოცნება“ მიუთითებს, ამას არათუ მხარს არ დავუჭერთ, არამედ ქუჩაში გავაპროტესტებთ

პარლამენტის ფრაქცია „დემოუკიდებელი დეპუტატების“ წევრის ლევან კობერიძის განცხადებით, „ქართული ოცნება“ საარჩევნო სისტემასთან დაკავშირებით მხოლოდ ციფრებზე საუბრობს და არ საუბრობს თვისობრიობაზე.

როგორც ლევან კობერიძემ „პალიტრანიუსის“ გადაცემაში „360 გრადუსი“ განაცხადა, ფრაქცია „დამოუკიდებელი დეპუტატები“ მხარს არ დაუჭრს მმართველი პარტიის მიერ გაჟღერებულ მოსაზრებას, რომ თბილისში, პირობითად მხოლოდ 5 მაჟორიტარული ოლქი იყოს.

„ექსპერტობას და მარჩიელობას ვერ დავიწყებ. ერთი ვიცი, რომ ნებისმიერი ციფრების შემთხვევაში ახლა არის ერთ-ერთი რისკი. „დამოუკიდებელი დეპუტატებისთვის“ ყველაზე მთავარია თვისობრიობა. მაგალითად, როდესაც ახლა საუბარია, თუნდაც 120/30-ზე „ქართულ ოცნებას“ აქვს მცდელობა და ეს თემა უკვე შეამოაგდო, რომ (110/40-ზეც კი ეს თქვა) თურმე თბილისში უნდა იყოს მხოლოდ 5 მაჟორიტარი. ოლქები ისე დაჭრას, რომ თბილისში და დიდ ქალაქებში, სადაც ის რეალურად გაცილებით უფრო წამგებიან პოზიციაშია , იქ დაიტოვოს, რაც შეიძლება ნაკლები რაოდენობრივად საამომრჩევლო ოლქები (მიუხედვად იმისა, რომ გამოვა თბილისში ერთ ოლქში - 200 000, რეგიონში კი 50 000 ადამიანი). ანუ აქ, 200 000-მა ადამიანმა უნდა აიჩიოს ერთი მაჟორიტარი, რეგიონებში კიდევ შესაძლოა 50 000-70 000-მა ადამიანმა. ეს მაჟორიტარები არასამართლიანი და არაწონადი იქნებიან. ამ დროს სამართლიანობა, კანონიც და საკონონსტიტუციო სასამართლოს გადაწყვეტილებაც ამბობს, რომ მაჟორიტარები თანაბარი რაოდენობით უნდა იყოს არჩეული. „ქართული ოცნება“ ეშმაკობს“, - განაცხადა ლევან კობერიძემ.

მისი თქმით, საზოგადოება 125/30-ს , 135/15-ს და ა.შ ციფრებს გადაყოლეს.

„ჩვენ, ფრაქცია დამოუკიდებელი დეპუტატები“ ვამბობთ, რომ ჩვენთვის ეს იქნება წყალგამყოფი. პირდაპირ ვამბობ, რომ თუკი თბილისზე იქნება საუბარი, ნებისმიერი ციფრების დროს, რომ უნდა იყოს მხოლოდ პირობითად 5 ოლქი, რაზეც საუბობს „ქართული ოცნება“, ამას არათუ მხარს არ დავუჭერთ, არამედ ამის გასაპროტესტებლად ჩვენ გავალთ ქუჩაში, პარლამენტის წინ, გინდა შიგნით და გინდა - გარეთ . ეს არის ის თემა, რომლითაც ეშმაკობს „ქართული ოცნება“. მხოლოდ ციფრებზე საუბრობს და არ საუბრობს თვისობრიობაზე“, - განაცხადა ლევან კობერიძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა