ფოთში თვითიზოლაციაში 45 წლამდე მამაკაცი იმყოფება, ის არის მეზღვაური და სამხრეთ იტალიიდან თებერვლის დასაწყისში წამოვიდა, -ამის შესახებ ფოთის საზოგადოებრივი ჯანდაცვის ცენტრის უფროსის მოადგილემ ზინაიდა გაგუამ განაცხადა.

მისი თქმით, მამაკაცს არც ტემპერატურა და არც ხველა არ ჰქონია.

,,ფოთში ერთადერთი ადამიანი გვყავს თვითიზოლაციაში. ეს არის მეზღვაური, რომელიც სამხრეთ იტალიიდან წამოვიდა ჯერ კიდევ თებერვლის დასაწყისში, ხოლო 24 თებერვალს შემოვიდა თურქეთის ერთ-ერთ ნავსადგურში და 27 თებერვალს სარფის საზღვარი გადმოკვეთა. ეს ადამიანი არის იზოლირებული ბინაზე, მას აქვს საუკეთესო პირობები, თავისი სანიტარული კვანძებით. დღეში რამდენჯერმე ვურეკავთ. მას არც სიცხე, არც ხველა არ ჰქონია. რაიმე სახის სიმპტომი რომ გამოვლენილიყო, თავისთავად ცხადია, საკარანტინო სივრცეში გადავიყვანდით. 12 მარტიდან ის უკვე თავისუფალი იქნება“, -განაცხადა საზოგადოებრივი ჯანდაცვის ცენტრის დირექტორის მოადგილემ ზინაიდა გაგუამ.