გორში ავარიის შედეგად, 14 და 18 წლის ახალგაზრდები დაშავდნენ
გორში ავტოსაგზაო შემთხვევის შედეგად ორი ახალგაზრდა დაშავდა. დაშავებულთაგან ერთ-ერთი არასრულწლოვანია. დაშავებულები - 14 წლის მოზარდი და 18 წლის ახალგაზრდა კლინიკა ,,გორმედში“ გადაიყვანეს.
ექიმის ვიტალი სავანელის განცხადებით, პაციენტებს შესაბამისი დახმარება გაეწიათ, მათი ჯანმრთელობის მდგომარეობა სტაბილურია და არც ერთი დაშავებულის სიცოცხლეს საფრთხე არ ემუქრება.
არსებული ინფორმაციით, მანქანა გზის სავალი ნაწილიდან გადავიდა და ამობრუნდა.
