სოციალური მომსახურების სააგენტოს თანამშრომლებმა, ქუთაისის საავადმყოფოში დედის მიერ ჩვილის ცემის შესახებ გავრცელებული ვიდეომასალის შემდეგ, ოჯახში არსებული ვითარება შეისწავლეს

ამ ეტაპზე ბავშვის უსაფრთხოება დაცულია და დედისგან გარიდების აუცილებლობა არ არსებობს , - ამის შესახებ სოციალური მომსახურების სააგენტოში დედის მიერ 3 თვის ბავშვზე ძალადობის ფაქტთან დაკავშირებით განაცხადეს.

იმერეთის სამხარეო ცენტრის უფროსის მოვალეობის შემსრულებლის ნათია წივწივაძის თქმით, სოციალური მომსახურების სააგენტოს წარმომადგენლებმა ოჯახში არსებული მდგომარეობა უკვე შეისწავლეს.

"ამ ეტაპზე ბავშვის უსაფრთხოება დაცულია და დედისგან გარიდების აუცილებლობა არ არსებობს. დედა განმარტავს, რომ ემოციურ მდგომარეობაში იყო. ოჯახი სოციალურად დაუცველია და მათ ფინანსური მხარდაჭერა სჭირდებათ", -განაცხადა ნათია წივწივაძემ.

დედა-შვილი იმერეთის ერთ-ერთ მუნიციპალიტეტში ცხოვრობს. როგორც დედა აცხადებს, სტრესულ მდგომარეობაში იყო და არ ახსოვს, რა მოხდა.

"სტრესის ქვეშ და მძიმე ემოციურ მდგომარეობაში ვიყავი, ორი ღამე არ მიძინია და არ მახსოვს, რა მოხდა. რა თქმა უნდა, ეს პირველად მოხდა. იყვნენ სოციალური სამსახურიდან და ბავშვის გაყვანის აუცილებლობა არ არის, რადგან მასზე დედაჩემი და ჩემი დედამთილი ზრუნავენ",-განაცხადა ქრისტინა ახალაძემ.

არსებული ინფორმაციით, დედა-შვილმა კლინიკა ორი დღის წინ ხელწერილის საფუძველზე დატოვა. კლინიკაში ადასტურებენ, რომ ეს პირები ნამდვილად იყვნენ მათთან. ექიმ დარეჯან ხაჭაპურიძის თქმით, მათ მომხდარის შესახებ არასამთავრობო ორგანიზაციას აცნობეს, რა დროსაც ოჯახმა კლინიკა ჩუმად დატოვა.

მომხდარს უკვე სწავლობენ სამართალდამცველები, გამოძიება 126-ე მუხლით დაიწყო.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო