თელავის მუნიციპალიტეტის მერი, შოთა ნარეკლიშვილი მერიის წარმომადგენლებთან ერთად მრავალშვილიან, მარჩენალდაკარგულ და სოციალურად დაუცველ ოჯახებს ეწვია, ქალბატონებს 8 მარტი მიულოცა და ფულადი საჩუქრები გადასცა. ამის შესახებ „ინტერპრესნიუსს“ თელავის მერიიდან აცნობეს.
„ქალთა საერთაშორისო დღესთან დაკავშირებით, თელავის მუნიციპალიტეტის მერი, შოთა ნარეკლიშვილი მუნიციპალიტეტში მერის წარმომადგენლებთან ერთად მრავალშვილიან, მარჩენალდაკარგულ და სოციალურად დაუცველ ოჯახებს ეწვია და ქალბატონებს, ქალთა საერთაშორისო დღე მიულოცა.
დედის და ქალთა საერთაშორისო დღეებთან დაკავშირებით, მუნიციპალიტეტის მასშტაბით ფულადი საჩუქარი 72 ქალბატონს გადაეცა“,-აღნიშნულია ინფორმაციაში.