„ქუთაისი გენდერული თანასწორობისთვის“- ამ დევიზით ქუთაისის მუნიციპალიტეტმა  კამპანია დაიწყო

„ქუთაისი გენდერული თანასწორობისთვის“- ამ დევიზით ქუთაისის მუნიციპალიტეტმა ახალი კამპანია დაიწყო.

როგორც „ინტერპრესნიუსს“ ქუთაისის მერიიდან აცნობეს, მარტის თვეში ქალთა კვირეული აღინიშნება და ამ პერიოდში განსაკუთრებით მახვილდება ყურადღება ისეთ თემებზე, როგორიცაა გენდერული სტერეოტიპების რღვევა და ქალთა მიმართ ძალადობა.

კამპანიის იდეის გათვალისწინებით, შეირჩა ოთხი განსხვავებული პროფესიის, ასაკის და ინტერესების ქალი: მარიამ მუკბანიანი კადეტია, ლილი ჯუმალი - მოკრივე, ნათია ჩიხლაძე - პარამოფარიკავე, თამთა კაპანაძე კი- გუგლის დეველოპერთა სტუდენტური კლუბის წევრი.

უწყების ცნობით, ბანერები, ოთხივე ქალის ფოტოთი, ქუთაისის სხვადასხვა უბანში განთავსდა.

„უდიდესი ბედნიერება იყო ჩემთვის იმის გაგება, რომ ლიცეუმმა გოგონებსაც მისცა შესაძლებლობა სწავლის გაგრძელებისა და მეც შემეძლო ვაჟების გვერდით ღირსეულად მეტარებინა საქართველოს თავდაცვის ძალების ფორმა“,- განაცხადა მარიამ მუკბანიანმა.

„მივხვდი, რომ ფარიკაობა მხოლოდ ფიზიკური ვარჯიში არ იყო ჩემთვის. სპორტის ამ სახეობამ მთლიანად შეცვალა ჩემი ცხოვრების წესი და სტილი“,- აღნიშნა ნათია ჩიხლაძემ.

„უნდა იყო აქტიური და მოტივირებული - ესაა ძირითადი პრინციპები გუგლის დეველოპერთა სტუდენტურ კლუბში მოსახვედრად და მეც სწორედ ამ ნიშნით შემარჩიეს“,-განაცხადა თამთა კაპანაძემ.

„მაშინ, როცა სხვა გოგონები თოჯინებით თამაშობდნენ, მე კრივის დარბაზში დავდიოდი სავარჯიშოდ. საქართველოს ჩემპიონიც სწორედ თავდაუზოგავი ვარჯიშით გავხდი“,- აღნიშნა ლილი ჯუმალიმ.

„საქართველოში, მხოლოდ ბოლო 6 წელიწადში 151 ქალი მოკლეს საკუთარი ოჯახის წევრებმა ან პარტნიორებმა, მათ შორის, ბოლო 2 თვეში - 8 ქალი“,- ნათქვამია ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა