ყირგიზეთში, დედაქალაქ ბიშკეკში ქალთა სოლიდარობის აქციაზე ინციდენტი მოხდა. პოლიციამ ათობით ქალთა უფლებადამცველი აქტივისტი დააკავა.

მანამდე აქტივისტები მოედანზე შეიკრიბნენ, რომ ქალთა საერთაშორისო დღეს ძალადობის წინააღმდეგ მსვლელობა მოეწყოთ. თუმცა ამ დროს პროტესტის მონაწილეებს ნიღბიანი მამაკაცები დაესხნენ თავს, მათ არაერთი ჟურნალისტის თანდასწრებით, აქტივისტებს ბანერები წაართვეს და დაუხიეს.

თავდამსხმელებმა შემთხვევის ადგილი პოლიციის გამოჩენისთანავე დატოვეს. როგორც „როიტერი“ იტყობინება, პოლიციამ 50-მდე აქტივისტი, უმეტესად ქალები დააკავა. გაურკვეველია, თუ რა ბრალს წაუყენებენ დაკავებულებს.​