ამერიკის პრეზიდენტი დონალდ ტრამპი უარყოფს ამერიკული მედიის ინფორმაციას, რომლის თანახმადაც, მისი ადმინისტრაცია სერიოზულ წინააღმდეგობას წააწყდა ახალი კორონავირუსის გავრცელების წინააღმდეგ ბრძოლის საკითხში. ამასთან დაკავშირებით, დონალდ ტრამპმა შესაბამისი განცხადება „ტვიტერში“ გამოაქვეყნა.
„თეთრ სახლში ჩვენ გვაქვს შესანიშნავად კოორდინირებული და ზედმიწევნით დამუშავებული გეგმა კორონავირუსის წინააღმდეგ. ჩვენ ძალიან ადრე მივიღეთ ზომები გარკვეულ რაიონებთან საზღვრების დაკეტვის შესახებ, რაც დიდი ბედნიერებაა. მატყუარა მედიასაშუალებები აკეთებენ ყველაფერს, რათა ჩვენ ცუდად გამოვჩნდეთ, სამწუხაროა!“ - წერს დონალდ ტრამპი.
ამერიკულ მედიაში დაიწერა, რომ ამერიკის ხელისუფლებამ რიგი შეცდომები დაუშვა ვირუსის წინააღმდეგ ბრძოლაში და გვიან დაიწყო საჭირო ზომების მიღება.