გორის სამხედრო ჰოსპიტალის საკარანტინო სივრცეში, 1-ელი მარტიდან დღემდე მოთავსებული 26 პაციენტიდან კორონავირუსი არცერთს არ დაუდასტურდა.

გორის სამხედრო ჰოსპიტალის საკარანტინო სივრცე უკვე დატოვა ოთხმა პირმა. ოთხივე მათგანი ირანის მოქალაქეა.

ამ დროისთვის, დაკვირვების ქვეშ რჩება 22 პირი, რომელთაგან ორი ბულგარეთის, ერთი კი ირანის მოქალაქეა.

„გორის სამხედრო ჰოსპიტალში ამ დროისთვის იმყოფება 22 პაციენტი, აქედან 4 სამხედრო მოსამსახურეა და 18 სამოქალაქო პირი, რომელთაგან ორი ბულგარეთის, ერთი კი ირანის მოქალაქეა. შაბათ-კვირას შემოსული პაციენტებიდან, საუბარია 5 პირზე, რომელ შემთხვევებზეც ეჭვი არსებობდა, აღებულ იქნა ნიმუშები და დღეის მდგომარეობით შედეგები უკვე ცნობილია - უარყოფითია. ყველა პაციენტის მდგომარეობა სტაბილურია, იმყოფებიან დაკვირვების ქვეშ. საკარანტინო სივრცე უკვე დატოვა ირანის ოთხმა მოქალაქემ“, - განაცხადა გორის სამხედრო ჰოსპიტალის დირექტორმა დავით ბარლიანმა.