კასპის მუნიციპალიტეტის ტერიტორიაზე ხანძარია. გოსტიბესა და რკონის სიახლოვეს, ცეცხლი ორ ლოკაციაზე გაჩნდა.
როგორც შსს-ს საგანგებო სიტუაციების მართვის სამსახურში აცხადებენ, სოფელ გოსტიბესთან, ტყის მასივში გაჩენილ ხანძარზე უფრო რთული მდგომარეობაა, რკონთან კი, ცეცხლის კერები ტყის ქვედა ზოლში ფიქსირდება. სალიკვიდაციო სამუშაოები უკვე დაწყებულია.
საგანგებო სიტუაციების მართვის შიდა ქართლის სმმართველოს სხვა განყოფილებებს მეზობელი რეგიონების მეხანძრეებიც დაეხმარებიან.
დაღამებიდან გამომდინარე ცუდი ხილვადობის და რთული რელიეფის გამო, დღეს ღამით ხანძრის სალიკვიდაციო სამუშაოებში ძირითადად ქვეითები არიან ჩართულები, ხვალ დილიდან კი, დამატებითი ძალების მობილიზება იგეგმება.