ზუგდიდში ახალგაზრდა მამაკაცი, სავარაუდოდ, ცივი იარაღით დაჭრეს. შემთხვევა დღეს მოხდა.
არსებული ინფორმაციით, დაჭრის ფაქტს წინ ორ ახალგაზრდას შორის სიტყვიერი დაპირისპირება უძღოდა.
როგორც შს სამინისტროში "ინტერპრესნიუსს" განუცხადეს, ფაქტზე ერთი პირია დაკავებული.
უწყების ინფორმაციით, მომხდარზე გამოძიება სისხლის სამართლის კოდექსის 117-ე მუხლის მეშვიდე ნაწილის "ა" ქვეპუნქტით დაიწყო, რაც ჯანმრთელობის განზრახ მძიმე დაზიანებას გულისხმობს, რომელიც ორი ან მეტი პირის მიმართ არის ჩადენილი.