საჩხერეში სამედიცინო ცენტრთან არსებულ სასტუმროში 30 ადამიანი შეიყვანეს. 30 ადამიანი სამოგზაუროდ იტალიაში იმყოფებოდა, ისინი საჩხერეში გუშინ შეიყვანეს.

ამ დროისათვის სასტუმროში კარანტინს სულ 31 ადამიანი გადის.

ექიმის, მაია ხელაძის თქმით, ამ დროისთვის მათი ჯანმრთელობის მდგომარეობა დამაკმაყოფილებელია.

„შემოვიდა 30 ადამიანი, თითოეულ მათგანს მიცემული აქვს ინსტრუქცია და ორი კვირის განმავლობაში დავაკვირდებით. პირდაპირ აეროპორტიდან გადმოიყვანეს ეს ადამიანები ჩვენთან. ამ დროისათვის ვირუსის ნიშნები არც ერთ მათგანს აღენიშნება,”- აცხადებს საჩხერის სამედიცინო ცენტრის მენეჯერი მაია ხელაძე.