ლევან დავითაშვილის ინფორმაციით, პირველი მარტიდან 10 მარტის მდგომარეობით, ქვეყანაში ხანძრის 43 შემთხვევა დაფიქსირდა

გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, გუშინ ხანძრები გააქტიურდა მთელი საქართველოს ტერიტორიაზე.

როგორც მინისტრმა საგანგებო ბრიფინგზე აღნიშნა, მხოლოდ ერთ დღეში ხანძრის 18 ახალი კერა დაფიქსირდა.

მინისტრის განცხადებით, 2020 წლის პირველი მარტიდან 10 მარტის დილის 10 საათის მდგომარეობით, ეროვნული სატყეო სააგენტოს მართვის დაქვემდებარებაში არსებული ტერიტორიების 546 ჰექტარ ფართობზე იყო მნიშვნელოვანი ხანძრები.

„დაფიქსირდა ხანძრის 43 შემთხვევა მთელი ქვეყნის მასშტაბით. კახეთში იყო 18 კერა, სამცხე-ჯავახეთში- 1 კერა, რაჭა-ლეჩხუმში - 3, ქვემო ქართლში - 5, შიდა ქართლში - 2, გურიაში - 4, იმერეთში - 6 , სამეგრელო-ზემო სვანეთში - 4 კერა.

გლობალური კლიმატური ცვლილებიდან გამომდინარე, ნალექის რაოდენობა წელს მნიშვნელოვნად შემცირებულია ევროპის კონტინენტის დიდ ნაწილში, მათ შორის საქართველოში. ნალექი საქართველოში 20-40-%-ითაა შემცირებული. მსოფლიოში ხანძრების გახშირება კლიმატის ცვლილების ერთ-ერთი მძიმე შედეგია, რაც შესამჩნევია ჩვენს ქვეყანაშიც.

ხანგრძლივი უნალექო პირობების გამო საქართველოში მთელი ზამთრის განმავლობაში შენარჩუნდა გვალვიანი პერიოდი“, - აღნიშნა დავითაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს