ქუთაისის ინფექციურ საავადმყოფოში ამ დროისთვის სამი პაციენტია მოთავსებული. ექიმ თემურ ნადირაძის თქმით, ორი მათგანის ანალიზების პასუხს ლუგარის ლაბორატორიიდან დღეს ელოდებიან. მისივე თქმით, მესამე პაციენტის ტესტს კი დღეს გადააგზავნიან და პასუხი სავარაუდოდ, ხვალ გახდება ცნობილი.

ექიმის თქმით, ნაწილი საზღვარგარეთ იყო, ნაწილს კი შეხება ჰქონდა საზღვარგარეთ მყოფ პირებთან.

როგორც ექიმმა აღნიშნა, პაციენტები საჭიროების მიხედვით ბოქსირებულ და ნახევრადბოქსირებულ პალატებში არიან მოთავსებული, მათი მდგომარეობა დამაკმაყოფილებელია.