თორნიკე რიჟვაძე - წელს დავიწყებთ აჭარისთვის ისტორიული პროექტის განხორციელებას

შიდასახელმწიფოებრივი მნიშვნელობის საავტომობილო გზის ხულო-ზარზმის მონაკვეთის რეკონსტრუქციისთვის რეგიონული განვითარებისა და ინფრასტრუქტურის სამინისტრომ ტენდერი გამოაცხადა. ამის შესახებ „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს. მათივე ცნობით, პროექტის ფარგლებში, რეაბილიტირდება 47 კილომეტრიანი გზა და 7 ხიდი, დაიგება 2 ზოლიანი ასფალტ-ბეტონის საფარი.

„დღეს ინფრასტრუქტურის სამინისტრომ, კონკრეტულად კი საავტომობილო გზების დეპარტამენტმა განაახლა ტენდერი ხულო-ზარზმის ყველაზე მჭიდროდ დასახლებული გზის მონაკვეთთან დაკავშირებით. წელსვე, დავიწყებთ დაახლოებით 4 კილომეტრიანი გზის რეაბილიტაციას და 2 წლის განმავლობაში, როგორც ეს გვქონდა დაგეგმილი, განვახორციელებთ ამ გზის რეაბილიტაციას.

ასევე, შევინარჩუნეთ ქუვეითის ფონდის დაფინანსება, რომლის ტენდერიც მალე გამოცხადდება. იმედი გვაქვს, რომ ტენდერი წარმატებით შედგება და წელსვე, ჩვენ დავიწყებთ აჭარისთვის ისტორიული პროექტის განხორციელებას. ეს არის ახალი შესაძლებლობები როგორც კურორტისთვის, ასევე იქ მცხოვრებელი ჩვენი მოქალაქეებისთვის”, - განაცხადა აჭარის მთავრობის თავმჯდომარე თორნიკე რიჟვაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს