ქობულეთში, ისპანის ჭაობის ტერიტორიაზე ხანძარია. ადგილზე ოთხი სამაშველო მანქანა და 20 მეხანძრე-მაშველი იმყოფება. ისინი ხანძრის ლოკალიზებას ცდილობენ. ხანძარი საღამოს გაჩნდა.

ამ ეტაპისთვის ცეცხლის მასშტაბები უცნობია. ნაკრძალის მიმდებარე ტერიტორიაზე ხის ფიცრულები და ცხოველთა სადგომებია. ადგილობრივების ინფორმაციით, შესაძლოა, ხანძარი აღნიშნულ ფართებზე გავრცელდეს.

მოსახლეობის თქმით, ცეცხლის გავრცელებას ქარი უწყობს ხელს.