ავღანეთის მთავრობა 1 500 თალიბს პატიმრობიდან გაათავისუფლებს

ავღანეთის მთავრობა 1 500 თალიბს პატიმრობიდან გაათავისუფლებს, - ამის შესახებ „როიტერსი“ იუწყება.

სააგენტოს ინფორმაციით, ავღანეთის პრეზიდენტმა აშრაფ ღანიმ ხელი მოაწერა ბრძანებას, სადაც აღნიშნულია, რომ ყველა გათავისუფლებულმა თალიბმა უნდა წარმოადგინოს წერილობით გარანტია იმის შესახებ, რომ „ბრძოლის ველს აღარასდროს დაუბრუნდება.“

ორ-გვერდიან დოკუმენტში, რომელსაც პრეზიდენტ ღანის ოფისი უახლოეს მომავალში გაასაჯაროვებს, აღნიშნულია, რომ პატიმრების გათავისუფლების პროცესი ოთხ დღეში დაიწყება.

„1 500 თალიბი პატიმრის გათავისუფლება 1 დღეში დასრულდება, ყოველდღიურად 100 პატიმარი დატოვებს ავღანეთის ციხეებს,“- აღნიშნულია ბრძანების ტექსტში.

დოკუმენტის თანახმად, პატიმრების გათვისუფლების პარალელურად „თალიბანსა“ და ავღანეთის მთავრობასა შორის მოლაპარაკებები გაიმართება და იმ შემთხვევაში, თუ მხარეები პროგრესს მიაღწევენ, ციხეებიდან თალიბი პატიმრების გათავისუფლების პროცესი ეტაპობრივად გაგრძელდება და საბოლოო ჯამში, ციხეებს 5 000-ვე თალიბი დატოვებს.

შეგახსენებთ, რომ აშშ-მ და "თალიბანმა" სამშვიდობო შეთანხმება მიმდინარე წლის 29 თებერვალს გააფორმეს. ხელშეკრულების თანახმად, თალიბებმა თავდასხმები აღარ უნდა მოაწყონ და მათ მიერ კონტროლირებად ტერიტორიებზე "ალ-ქაიდასა" და სხვა ექსტრემისტულ დაჯგუფებებს მოქმედების ნება არ უნდა დართონ. აშშ-სა და მისი ნატოელი მოკავშირეების ჯარებმა კი ავღანეთი უნდა დატოვონ. შეთანხმებაში ავღანეთის მთავრობას მონაწილეობა არ მიუღია.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება