ალექსანდრე ძნელაძე - ეკონომიკურ გუნდსა და საბანკო სექტორს შორის შეხვედრაზე მთავრობის მხრიდან გამოხატული იყო მზაობა, რომ სრული მხარდაჭერა იქნება

უმნიშვნელოვანესი შეხვედრა შედგა, სადაც მთავრობის მხრიდან ცალსახად იყო გამოხატული მზაობა, რომ იქნება სრული მხარდაჭერა და ვიმოქმედებთ შეთანხმებულად, - ამის შესახებ მთავრობის ეკონომიკურ გუნდსა და საბანკო სექტორს შორის, მთავრობის ადმინისტრაციაში გამართული შეხვედრის შემდეგ, ბანკების ასოციაციის პრეზიდენტმა, ალექსანდრე ძნელაძემ განაცხადა.

როგორც „ინტერპრესნიუსს“ პრემიერის პრესსამსახურიდან აცნობეს, შეხვედრა პრემიერ-მინისტრის ხელმძღვანელობით გაიმართა.

ალექსანდრე ძნელაძის თქმით, საუბარი შეეხო კორონავირუსის გამო არსებულ გამოწვევებს, რომელიც ძირითადად ტურიზმის სექტორზე აისახა. ძნელაძის განცხადებით, კორონავირუსთან დაკავშირებული გამოწვევები აისახება კონკრეტულ სეგმენტებზე, თუმცა არ აისახება გლობალურად ეკონომიკასა და საბანკო სექტორზე.

„შედგა უმნიშვნელოვანესი შეხვედრა მთავრობის ეკონომიკურ გუნდს, საბანკო სექტორსა და ეროვნულ ბანკს შორის. ვისაუბრეთ კორონავირუსის გამო არსებულ გამოწვევებზე, რომელიც ჯერჯერობით ძირითადად აისახა ტურიზმის სექტორზე. ყველა მხარემ გამოხატა მზაობა, რომ აღნიშნულ პრობლემასთან დაკავშირებით ვიმუშავებთ გრძელვადიან რეჟიმში. დღეს ადრე იქნება საუბარი იმაზე, რა ეფექტი შეიძლება გვქონდეს. ყველაზე პესიმისტური გათვლებითაც ეს აისახება კონკრეტულ სეგმენტებზე, თუმცა არ აისახება გლობალურად ეკონომიკაზე და საბანკო სექტორზე. საბანკო სექტორი მზად არის და იხილავს, თუ რა გადაწყვეტილებები იქნება შეთავაზებული. ცალსახად იყო გამოხატული მთავრობის მხრიდან მზაობა, რომ სრული მხარდაჭერა იქნება და იქნება შეთანხმებული მოქმედებები“, - განაცხადა ალექსანდრე ძნელაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით