ირანში გაერო-ს სპეციალური მომხსენებელი, ჯავაიდ რეჰმანი ქვეყანას მოუწოდებს, დროებით გაათავისუფლოს ყველა პოლიტიკური პატიმარი, „ისედაც ძალიან გადატვირთული ციხეებიდან“. ორი დღის წინ ცნობილი გახდა, რომ ირანმა დაახლოებით 70 000 პატიმარი გაათავისუფლა, თუმცა ჯავაიდ რეჰმანი აცხადებს, რომ დროებითი ამნისტია შეეხო იმ პირებს, რომელთაც 5 და ნაკლები წელი აქვთ მისჯილი, ხოლო რაც შეეხება პოლიტიკურ პატიმრებს, ისინი უფრო დიდ სასჯელს იხდიან.

„უცხოეთის მოქალაქეები და ის პირები, რომელთაც ორმაგი მოქალაქეობა აქვთ, რეალური რისკის ქვეშ იქნებიან, თუ კორონავირუსი დაუდგინდებათ. მათ ძალიან ეშინიათ. მე მართლაც შეშფოთებული ვარ, რომ ნოემბრის აქციების ასობით თუ არა ათასობით მონაწილეს სასჯელის მოხდა რთულ პირობებში და გადატვირთულ ციხეებში უწევთ“, - აცხადებს რეჰმანი.