ოთარ კახიძე - ნინო ქადაგიძე კომპეტენციით, კეთილსინდისიერებით და ზოგადი განათლებით უზენაესი სასამართლოს თავმჯდომარის მაღალ სტატუსს არ შეესაბამება

„ევროპული საქართველოს“ წევრის, ოთარ კახიძის შეფასებით, იუსტიციის უმაღლესი საბჭოს მიერ საქართველოს პარლამენტისთვის წარდგენილი უზენაესი სასამართლოს თავმჯდომარის კანდიდატი ნინო ქადაგიძე კომპეტენციით, კეთილსინდისიერებით და ზოგადი განათლებით უზენესი სასამართლოს თავმჯდომარის მაღალ სტატუსს არ შესაბამება.

როგორც ოთარ კახიძემ დღეს გამართულ პრესკონფერენციაზე განაცხადა, მოუწოდებს ხელისუფლებას, ნინო ქადაგიძეს აღნიშნულ თანამდებობაზე არჩევის პროცესში მხარი არ დაუჭიროს.

“ნინო ქადაგიძე წარმოადგენს სასამართლოს მმართველი კლანის ინტერესებს: იგი იყო 2018 წლის დეკემბერში, პარლამენტისთვის წარმოდგენილ 10-პირიან სიაში. ნინო ქადაგიძე სასამართლოზე ზეწოლაში ადანაშაულებს არა ხელისუფლებას, არამედ საზოგადოებას. კანდიდატი სოციალურ ქსელში უერთდება სასამართლოს მმართველი კლანის აქტიური წარმომადგენლის, სერგო მეთოფიშვილის პოლიტიკურ შეფასებებს და თავდასხმებს არასამთავრობო ორგანიზაციებზე, მიუხედავად იმისა, რომ აღნიშნული ეწინააღმდეგება სამოსამართლო ეთიკას.

ასევემ კანდიდატის კომპეტენციისა და ზოგადი განათლების დონე არ შეესაბამება იმ სტანდარტს, რომელსაც უნდა აკმაყოფილებდეს უზენაესი სასამართლოს მოსამართლე: კანდიდატმა საარჩევნო საკითხებზე შექმნილი უწყებათაშორისი კომისიის სხდომის ოქმების აუდიოჩანაწერი არ მიიჩნია ოფიციალურ დოკუმენტად და საჯარო ინფორმაციად, კანონის ჩანაწერის მიუხედავად. აღნიშნული გადაწყვეტილება ასევე წარმოადგენს ხელისუფლების სასარგებლოდ მიკერძოების მაგალითს“, - აცხადებს კახიძე.

მისივე თქმით, ნინო ქადაგიძემ კომპეტენტურად ვერ უპასუხა ელემენტარულ კითხვებს, ისეთ თემებზე, რომლებიც ეხებოდა - აბსოლუტურ უფლებებს, ლიბერალურ დემოკრატიას, სეკულარიზმის პრინციპს და ა.შ.

„ევროპულმა საქართველომ“ ნინო ქადაგიძე შეაფასა 10-ბალიანი სისტემით სამი კრიტერიუმის საფუძველზე: კომპეტენტურობა, კეთილსინდისიერება და ზოგადი განათლება/ფასეულობები. კანდიდატი უზენაესი სასამართლოს მოსამართლეობის სტანდარტს აკმაყოფილებს მხოლოდ იმ შემთხვევაში, თუ ზემოთაღნიშნულ თითოეულ კრიტერიუმში დააგროვებს 7-10 ქულას. შეფასების მიხედვით, ნინო ქადაგიძის კომპეტენცია ვერ აკმაყოფილებს მოსამართლეობის მინიმალურ სტანდარტს, ვინაიდან მან მიიღო 3 ქულა. კეთილსინდისიერების კრიტერიუმის მიხედვით კანდიდატს მიენიჭა 2 ქულა - მან აქაც ვერ დააკმაყოფილა მოსამართლეობის მინიმალურ სტანდარტი. ზოგადი განათლება/ფასეულობებში ნინო ქადაგიძემ მიიღო 4 ქულა - აკმაყოფილებს მოსამართლეობის მინიმალურ სტანდარტს, მაგრამ ვერ აკმაყოფილებს უზენაესი სასამართლოს მოსამართლეობის სტანდარტს“, - განაცხადა კახიძემ.

შეგახსენებთ, იუსტიციის უმაღლესმა საბჭომ უზენაესი სასამართლოს თავმჯდომარის თანამდებობაზე მოსამართლე ნინო ქადაგიძე აირჩია. საბჭო მის მიერ დასახელებულ კანდიდატურას განსახილველად საქართველოს პარლამენტს გადაუგზავნის.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება