რუსეთის დუმამ კონსტიტუციური ცვლილებები მესამე მოსმენით დაამტკიცა. ცვლილებები გულისხმობს პრეზიდენტის უფლებამოსილების ვადების გაუქმებას, რაც ამჟამინდელ ლიდერს, ვლადიმერ პუტინს შესაძლებლობას მისცემს პრეზიდენტობისთვის კენჭი 2024 წელსაც იყაროს.
კანონის ძალაში შესვლისთვის, ცვლილებები ფედერაციულმა საბჭომ უნდა დაამტკიცოს, ხოლო შემდეგ რეგიონულმა საკანონმდებლო ორგანოებმა. საბოლოოდ ცვლილებებს ხელი სახელმწიფოს მეთაურმა უნდა მოაწეროს.