თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, იტალიიდან გუშინ დაბრუნებულ 7 პირს, რომელსაც თბილისის საერთაშორისო თერმოსკრინინგის შედეგად ტემპერატურა დაუფიქსირდათ, კვლევებისთვის სინჯებს დღეს აუღებენ.
როგორც ეზუგბაიამ „ინტერპრესნიუსს“ განუცხადა, 7-ვე მათგანი ინფექციურ საავამდმყოფოში ცოტა ხნის წინ შეიყვანეს.
„დაახლოებით, ნახევარი საათის წინ შემოიყვანეს ისინი ინფექციურ საავადმყოფოში. ველოდებით ლუგარის ლაბორატორიის წარმომადგენლებს, რომლებიც დღესვე აუღებენ სინჯებს და ჩაუტარდებათ კვლევები. ტესტირების პასუხი შესაძლოა, დღეს გვიან ღამით ან ხვალ დილით გახდეს ცნობილი“, - განაცხადა ეზუგბაიამ „ინტერპრესნიუსთან“ საუბრისას.
რაც შეეხება კორონავირუსის 23 დადასტურებულ შემთხვევას, ინფექციური საავადმყოფოს სამედიცინო დირექტორი ამბობს, რომ ყველა მათგანის მდგომარეობა სტაბილურია.