ბოლნისის მუნიციპალიტეტის სოფელ რატევანში შიდა საავტომობილო გზის მოწყობის სამუშაოები მიმდინარეობს

ბოლნისის მუნიციპალიტეტის მერი დავით შერაზადიშვილი, პირველ მოადგილე ბუბა გობეჯიშვილთან და სივრცითი მოწყობისა და ინფრასტრუქტურის სამსახურის უფროსთან კონსტანტინე კორძაძესთან ერთად სოფელ რატევანში, შიდა საავტომობილო გზის მოწყობის სამუშაოებს ადგილზე გაეცნო.

როგორც „ინტერპრესნიუსს“ ბოლნისის მუნიციპალიტეტის მერიიდან აცნობეს, ინფრასტრუქტურული პროექტის ფარგლებში, 1 550 გრძივ მეტრზე ასფალტის საფარი დაიგება და სანიაღვრეები მოეწყობა.

მათივე ცნობით, სამუშაოები „რეგიონებში განსახორციელებელი პროექტების ფონდისა“ და ადგილობრივი თვითმმართველობის ფინანსური მხარდაჭერით ხორციელდება და მისი სრული ღირებულება 766 994.8 ლარია.

„სულ მალე სოფელ რატევნის მოსახლეობას წლების განმავლობაში არსებული გზის პრობლემა მოუგვარდება. ინფრასტრუქტურული სამუშაოები ადგილზე აქტიურად მიმდინარეობს. წელს საგზაო ინფრასტრუქტურის მოწესრიგება რატევნის გარდა ბოლნისის მუნიციპალიტეტის არაერთ სოფელშია დაგეგმილი. გზების რეაბილიტაცია ჩვენი მუნიციპალიტეტის ერთ-ერთი მნიშვნელოვანი პრიორიტეტია“, - განაცხადა ბოლნისის მუნიციპალიტეტის მერმა დავით შერაზადიშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით