საქართველოს მთავრობის ადმინისტრაციაში რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივიდა ფინანსური საკითხების შემსწავლელი სარეკომენდაციო კომისიის 2020 წლის პირველი სხდომა გაიმართა, რომელსაც საქართველოს მართლმადიდებელი ეკლესიის წარმომადგენლები დაესწრნენ.

როგორც „ინტერპრესნიუსს“ რელიგიის სააგენტოდან აცნობეს, კომისიამ 61 საკითხი განიხილა.

უწყების ცნობით, რელიგიურ გაერთიანებათა ქონებრივი და ფინანსური საკითხების შემსწავლელმა კომისიამ დადებითი რეკომენდაცია გასცა 46 საკითხზე, არ დაკმაყოფილდა 13 საკითხი, ხოლო 2 საკითხზე დადგინდა ხარვეზი.