გორში, სოფელ ქვახვრელში, სოფლის ცენტრალური გზიდან რკინიგზის სადგურამდე მისასვლელი გზის რეაბილიტაცია მიმდინარეობს. ამის შესახებ „ინტერპრესნიუსს“ გორის მერიიდან აცნობეს.
მათივე ცნობით, სარეაბილიტაციო სამუშაოები აპრილის ბოლომდე უნდა დასრულდეს.
„პროექტის ღირებულება 188 355 ლარია, გზის მონაკვეთის სიგრძე კი, 500 მეტრს შეადგენს.
პროექტი გზის საფარის მოწყობასთან ერთად სარწყავი არხის რეაბილიტაციასაც ითვალისწინებს“, - აღნიშნულია ინფორმაციაში.