საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო საკარანტინო ზონას რუსთავშიც მოაწყობს.

როგორც „ინტერპრესნიუსისთვის" გახდა ცნობილი, საკარანტინო ზონა სასტუმრო „რუსთავში“ მოეწყობა. აღნიშნულ ინფორმაციას ადასტურებენ სასტუმროს ადმინისტრაციაში, სადაც აცხადებენ, რომ მოსამზადებელი სამუშაოები უკვე დაწყებული აქვთ. საკარანტინო ზონა სავარაუდოდ, პარასკევს გაიხსნება. ამ დროისთვის სასტუმროს შენობაში განთავსებული კომპანიები, რომელთაც საოფისე ფართი აქვთ ნაქირავები, შენობას ტოვებენ.